Poesias

Aghinas.

Aghinas,

A colore e arena cotta

rubias che calighes prenos.

Cannaides artas

parene banderas.

Inghirios de fogias

pennene.

Pintaos in cabizzales

ddos ad'un istrega.

Arribada dae monte.

Massimiliano Rosa

Femina a su cantaru.

Sos pedes meos

brincavana sa bartza de linna.

M'issundio.

Devio istare attenta a biet

chi sa brocca non s'esseret rutta.

Mi ponio unu tedile in conca

e fio prus liera

de unu crabiolu.

Massimiliano Rosa

Goni.

Gonos: seddas de terra lugiana.

Inie in d unu pranu e murta

b'ada degheotto postos in filera.

parene una guardiania.

B hat losas mudas,

perdas bortuladas

e suergios trotoigaos,

chi li faghen umbra.

Bidas dae s'artu

parene tessias in su chelu

comente isteddos in s'istiu.

Massimiliano Rosa

Ighinaos.

Si bardiaiant.

Ma non si toccaiant.

Como si toccant.

Ma non si bardianta prus.

Unu paret un origa.

S'atteru un arrecchillariu appiccau.

Unu, su e mesu tretu

Est incarau in su tremene.

E un ateru, betzu che i su cuccu,

Ugget s'orru' in pitzu.

S'urtimu, ungronau

Furriat su monte, attacannosi.

E s'immentigau?

Naran ca ddi nanta idd'intr'errios.

Massimiliano Rosa

Ite so ?

Ite so?

S'intradorgiu de Minosse ?

Ma non b'est su Minotauro.

Venzo dae un'ateru mundu?

No.

Ca giugo raighinas.

Pario unu bestire de isteddos?

Ma non tenzo lughes.

So antiga che domo.

Ca so fatta 'e pedras.

Massimiliano Rosa

Sas tre edades.

A pipia pario vestia de tzappulos

ma a bortas mi mudavan

e mi ponian sa veste nova

de rubiu iscarlattu.

E unu tzipponeddu gai istrintu

de colore de chelu

ca non mi faiat alidare.

E prus a mannitta

pronta a faet a isposa

non mi istaian sas palettas.

A zovana mi toccavat

de andare a funtana

Cando mi fritia

mi liavo e appitzavo

su mucadore in conca.

Non fiat po prennet megnus s'abba

ma po bardiare a fura

sos zovonos chi m'attobiavan.

Como narana ca so vetza

E deo, mi seo finas estia de nigheddu.

Non est ca m'agradat custu colore.

Giugo sempet sos frores

in su ricamu.

Ma nessunu los viet

Ca maridu meu

non b'est prus.

Massimiliano Rosa 

Sa ba?adiva.

Isettavo.

Ite?

Fio sola.

Tessende sa filadura

de sa vida mia.

E isetta isetta

mi ponio un'issallu,

 po' ammantare sa tristura.

A bortas

mi vestio de rubiu.

Unu rubiu color'e aghina

Che i's'atonzu.

Massimiliano Rosa

Sas palas.

Teteras

Cogotzolas.

Corros de trau.

Ammanto

su linu candidu.

E sos ricamos.

E sa bellesa

De su corpus tuo, in intro.

Massimiliano Rosa

Sos Marrargios.

Arribau a managu

un isprigu e abba.

Lughente che chelu.

Isteddos cussos pisches.

Unu monte falat a mare

Ingurtiu dae su sale.

Massimiliano Rosa.