Minca maccaca

Minca maccaca,

funesta e  fatale,

tue est chi m'has giuttu a su
casinu,

tue est chi m'has trazadu a s'ispidale

solu pro m'iscazzare unu
pappinu.

Pro cantu t'happ'a giughere
appiccada

non piùs has a andare a
s'affainu.

Una 'olta l'has fatta
s'acconcada

intrada ti nde sese in d'unu
buccu

e bessida nde sese
allusinzada.

Oe ses sa funtana 'e su
muccu,

de testa ses istrada pagu
azzetta,

creias chi su cunnu fiat
succu.

No bi penses piùs in sa
faldetta,

de como in pois benis
proibida

pro finas de ti fagher sa
pugnetta.

Pro t'esser un'istante
divertida

già mi l'has arrangiadu su
fiancu:

m'has giuttu a sos istremos de sa vida,

in prus m'has fattu ispender
unu francu

pro unu buccu puzzolente e
feu:

gustosu fesset istau
assumancu!

Da chi non connoschias cussu
impreu,

proite ses intrada in tale
tana

a ruinare su fisicu meu?

E si non fist'istada macca e
vana,

narzende in cortesia e in
politica,

ancora fisti frisca e sana.

Oe ses ispilida e sifilitica,

finas sos cazzos de sette unu soddu

ti narant male e ti faghent
sa critica.

De cando fisti cun su cunnu a
coddu,

minca, pro non dare
attenzione

su latte cunvertidu s'est in
gioddu.

T'hasa abbrazzadu
s'iscolazione

e atteru non faghes, minca
fea,

che iscolare, isporcare
cotone.

Si a coberrer ti torrat
s'idea

Pro comente m'has como
iscramentadu,

ti ponzo de cannau una
trobea.

Medas boltas t'haia
prezettadu,

minca, de non ferrere a
s'intaccu:

tue a s'intaccu has tiradu e
l'has ciappadu.

De ti giugher gasie so
istraccu

chi m'has privadu de buffare
mustu,

non cheres mancu chi fume
tabaccu.

Pro ti leare mes'ora 'e gustu.

Peppinu Mereu